主页 > R生活君 >呃like之选 5大日落靓景! >

呃like之选 5大日落靓景!

2020-06-25  点赞196   浏览量:823
秋天就最适合亲亲大自然㗎喇!除咗行山郊游之外,记者都好锺意四出睇日落,又靓又浪漫~ 今次就介绍5个睇日落胜地畀大家啦!

下白泥

呃like之选  5大日落靓景!

相信香港人对下白泥都唔陌生,呢度係新界最西面嘅地方之一,所以出咗名可以睇到靓日落!有体力嘅话,仲可以由屯门良田坳行入去,路程大约两小时,沿途风景都好靓~

呃like之选  5大日落靓景!
睇完日落,记得留低等埋Magic Moment!

不过下白泥靓就靓喇,交通就比较唔方便,目前只得一架33号小巴来往元朗同下白泥。日落之后,排队等小巴嘅人龙绝对会吓亲你,而且20分钟先一班车,记者试过足足等咗两个钟先上到车呀呜呜!

交通:★☆☆☆☆

难度:★☆☆☆☆

靓景指数:★★★★☆

机场维修区呃like之选  5大日落靓景!
来源:西文Simon

呢度係另一个少有可以睇到太阳从海平面消失嘅地方,完全冇高楼大厦遮掩,只要天气符合预期,就可以影到靓靓日落!除咗日落之外,仲可以近距离睇到飞机升降。

呃like之选  5大日落靓景!
来源:西文Simon

记者当日由东涌踩单车去到机场维修区,都只係大约1小时,不过只有大约一半路程有单车径,接近飞机维修区嘅路段都要踩马路或者行人路,记住要注意安全。如果唔想踩单车,亦可以喺东涌搭S52巴士,班次都算密。呢度嘅草地亦可以影到好多靓相~

呃like之选  5大日落靓景!

交通:★★★☆☆

难度:★☆☆☆☆

靓景指数:★★★★★

南朗山

海洋公园就去得多喇,附近嘅南朗山你又去过未?以黄竹坑巴士总站起点,15分钟就可以去到南朗山休憩公园,再行45分钟就可以到达山顶停机坪。近至深湾、海洋公园,远至南丫瓜、鸭脷排、香港仔避风塘嘅景色都可以尽收眼底!

呃like之选  5大日落靓景!

交通:★★★☆☆

难度:★★☆☆☆

靓景指数:★★★★☆

蛇岭

近年先开放嘅蛇岭,以往一直都係边境禁区,所以识得嚟嘅人并唔多,由马草垄军营小巴站行到山顶,都只係需要45分钟,呢个毫无阻挡嘅小山丘,绝对係睇日落嘅好地方!

呃like之选  5大日落靓景!
来源:流浪摄

除咗日落之外,呢度嘅夜景亦都好吸引!

呃like之选  5大日落靓景!
来源:流浪摄

交通:★☆☆☆☆

难度:★★☆☆☆

靓景指数:★★★★☆

九龙炮台山

呢个炮台山并唔係讲紧港岛线港铁站嗰个炮台山,而係油塘附近嘅炮台山,又称魔鬼山。由油塘港铁站一出,往鲤鱼门邨方向,经卫奕信径第三段就可以到达炮台山,呢度绝对係睇维港景色嘅九龙区代表!

呃like之选  5大日落靓景!
来源:流浪摄

交通:★★★★☆

难度:★★☆☆☆

靓景指数:★★★★★

相关阅读